Aakash Pahuja
Aapke trade ka
poora system.
Ek baar mein.
Customer ka app. Owner ka control room. Website jo leads laati hai. Aur marketing jo unhe bhejti rehti hai. Chaar alag vendors nahi — ek system, ek jagah se.
Customer ka app
Aapke naam se, Play Store aur App Store par. Jo customer app rakhta hai, wo wapas aata hai.
Owner ka control room
Register, WhatsApp aur Excel ki jagah ek dashboard. Paisa, log aur roz ka kaam, ek screen par.
Website jo leads laati hai
Google par dikhna, form bharna, aur wo lead seedha dashboard mein girna — usi din.
Marketing jo bharti hai
Har mahine posts aur reels, aapke apne customers se banaye hue. Post hum karte hain.
Tarika
Har trade ke liye ek hi system,
poori tarah us trade ke liye
Ek general software company aapko ek general software degi, jisme aapka kaam adjust karna padega. Main ek trade ka poora system banata hoon — gym ka gym ke liye, salon ka salon ke liye — aur wahi system us trade ke har owner ko deta hoon.
Ek baar bana, kai baar diya
Custom app banwane par ₹3–15 lakh lagte hain. Yahan wo cost sab owners mein bant jaati hai.
Aapke trade ki samajh pehle se
Aapko yeh samjhana nahi padega ki renewal ya batch ka matlab kya hai. Wo pehle se system mein hai.
Ek hi banda, chaaron ke liye
App, dashboard, website aur marketing — ek jagah. Kisi ko blame karne ke liye doosra vendor nahi.
Abhi taiyaar
Teen trades
Har trade wahi jisme bahut saare milte-julte owners hain, jo aaj register, WhatsApp aur Excel par chal rahe hain, aur jinke customer ke phone mein aane layak kuch hai.
Gyms & fitness studios
Forge
Member app AI coach ke saath, owner ka CRM, aur website. Yahi ek hai jo ban chuka hai.
Yeh trade kyun: Gym pehle se aisi cheez bechti hai jo expire hoti hai — renewal, dues aur attendance hi poora business hain, aur teeno aaj bhi register mein hain.
Salons & spas
Sheen
Booking app, prepaid packages, staff commission, aur before-after gallery — sab andar.
Yeh trade kyun: India mein karib 1.43 lakh beauty parlour hain aur das mein se nau single owner ke hain — wahi shop, wahi diary, wahi problem, 1.4 lakh baar.
Coaching classes & tuition centres
Chalk
Parent app attendance aur marks ke saath, fees collection, batch dashboard, admissions website.
Yeh trade kyun: 1.5 lakh se zyada registered coaching centre hain, aur fees dene wale parent ko do report card ke beech aaj kuch bhi dikhta nahi.
Saaf baat: Forge (gyms) ka app aur dashboard ban chuka hai aur chal raha hai. Sheen (salons) aur Chalk (coaching) abhi design hain — screens asli hain, app abhi bane nahi hain. Jo pehla owner haan bolega, uske brand ke saath 12 hafte mein banega, aur usko launch price milega. Kisi client ka naam, logo ya number is site par nahi hai, kyunki abhi koi client nahi hai.
Add-on
Aap post karna bhool jaate ho.
Hum nahi bhoolenge.
System lag jaane ke baad, aapke apne members aur customers se har mahine 12 posts aur 4 reels. WhatsApp par aap haan bolte ho — post hum karte hain. Koi tool nahi, koi login nahi.
Marketing add-on dekhein₹15,000/month
Kam se kam 3 mahine · ad budget alag
Kaun bana raha hai
Aakash Pahuja
Main product banata hoon — pehle sochta hoon ki business kaise chalta hai, phir wo software banata hoon jo us business ko chalata hai. App, dashboard, website aur marketing, chaaron.
Ek trade ek baar liya jaata hai, poora banaya jaata hai, aur phir us trade ke doosre owners ko wahi diya jaata hai. Isliye aapko chain jaisa system milta hai, aur mujhe wo cheez baar baar banani nahi padti.
Agla step
Batayein aapka business kya hai
Ek WhatsApp message. Main bataunga aapke trade ke liye kya banega, kitne mein, aur kitne time mein. Agar aapka trade abhi list mein nahi hai, to bhi likh dijiye.
₹75,000 se shuru
+ ₹6,000/month · One-time setup + monthly. Setup mein app, dashboard aur website — teeno.
+91 91663 04167 · message pehle se likha hua hai